Ministry of Transport and Communications

ပြည်ထောင်စုသမ္မတမြန်မာနိုင်ငံတော်

ပို့ဆောင်ရေးနှင့်ဆက်သွယ်ရေးဝန်ကြီးဌာန

ဦးစီးဌာနများ/ အဖွဲ့အစည်းများ

စင်္ကာပူနိုင်ငံအခြေစိုက် အာရှဒေသအတွင်း ပင်လယ်ဓားပြနှင့် လက်နက်ကိုင် လုယက် တိုက်ခိုက်မှုများ တားဆီးကာကွယ်ရေးအဖွဲ့(ReCAAP ISC) သည် မြန်မာနိုင်ငံ ရေကြောင်းပညာတက္ကသိုလ်သို့ အလည်အပတ်ခရီးစဉ် လာရောက်

စင်္ကာပူနိုင်ငံအခြေစိုက် အာရှဒေသအတွင်း ပင်လယ်ဓားပြနှင့် လက်နက်ကိုင် လုယက် တိုက်ခိုက်မှုများ တားဆီးကာကွယ်ရေးအဖွဲ့(ReCAAP ISC) သည် မြန်မာနိုင်ငံ ရေကြောင်းပညာတက္ကသိုလ်သို့ အလည်အပတ်ခရီးစဉ် လာရောက်

Published: Jun 22 Posted Under: Place: ရန်ကုန်


 

စင်္ကာပူနိုင်ငံအခြေစိုက် အာရှဒေသအတွင်း ပင်လယ်ဓားပြနှင့် လက်နက်ကိုင် လုယက် တိုက်ခိုက်မှုများ တားဆီးကာကွယ်ရေးအဖွဲ့ (Regional Cooperation Agreement on Combating Piracy and Armed Robbery against ship in Asia- ReCAAP ISC) သည် အဖွဲ့ဝင်နိုင်ငံများသို့ လုပ်ငန်းဆောင်ရွက်မှု အခြေအနေများအား လေ့လာမှုအစီအစဉ်အရ မြန်မာနိုင်ငံသို့ (၁၉-၆-၂၀၁၇) ရက်နေ့မှ (၂၁-၆-၂၀၁၇) ရက်နေ့အထိ အလည်အပတ်ခရီးစဉ် (Focal Point Visit) လာရောက်ခဲ့ပါသည်။

အဆိုပါ ReCAAP ISC အဖွဲ့သည် မြန်မာနိုင်ငံသို့ အလည်အပတ်ခရီးစဉ် (Focal Point Visit) လာရောက်စဉ် ကာလအတွင်း (၂၁-၆-၂၀၁၇) ရက်နေ့ နံနက်ပိုင်းတွင် မြန်မာနိုင်ငံရေကြောင်းပညာတက္ကသိုလ်သို့ လာရောက် လေ့လာခဲ့ပြီး အာရှဒေသအတွင်း အကြမ်းဖက်တိုက်ခိုက်မှုများ၊ ပင်လယ်ဓားပြနှင့် လက်နက်ကိုင် လုယက်တိုက်ခိုက်မှုများအပေါ် အချိန်နှင့်တပြေးညီ ဖြေရှင်း ဆောင်ရွက်နေမှုများကို ဆရာ၊ ဆရာမများနှင့် ကျောင်းသားများအား Power Point Pesentation ဖြင့် ရှင်းလင်းပြသခြင်း၊ အပြန်အလှန်ဆွေးနွေးခြင်းများ ပြုလုပ်ခဲ့ပါသည်။