ဗဟိုပို့ဆောင်ဆက်သွယ်ရေးကျောင်းအနေဖြင့် " နိုင်ငံတော်၏ ပို့ဆောင်၊ ဆက်သွယ်ရေး ဝန်ဆောင်မှုကဏ္ဍများအတွက် စိတ်ဓာတ်၊စည်းကမ်း၊ လုပ်ငန်းစွမ်းဆောင်ရည်မြင့်မားသည့် အရည် အသွေးပြည့်မီသော ဝန်ထမ်းကောင်းများဖြစ်အောင် လေ့ကျင့်ပြုစုပျိုးထောင်ပေးရန်" ဟူသော မူဝါဒချမှတ်ပြီး  ရည်မှန်းချက်တာဝန်များကို  အကောင်အထည်ဖော်  ဆောင်ရွက်လျက်ရှိပါသည်။

ကျောင်းအနေဖြင့် အစိုးရသစ် စတင်ခဲ့သည့် ၂၀၁၅−၂၀၁၆ ခုနှစ်၊ သင်ကြားလေ့ကျင့်ရေး နှစ်မှ ၂၀၁၉−၂၀၂၀ ပြည့်နှစ်၊ သင်ကြားလေ့ကျင့်ရေးနှစ်အထိ အောက်ဖော်ပြပါအတိုင်း သင်တန်း များ  တိုးမြှင့် လေ့ကျင့်သင်ကြားပေးနိုင်ခဲ့ပါသည် −

စဉ်	သင်ကြားလေ့ကျင့် ရေးနှစ်	သင်တန်း အမျိုးအစား	သင်တန်း အကြိမ်ရေ	သင်တန်း သားဦးရေ	မှတ်ချက်
၁	၂၀၁၅ − ၂၀၁၆ နှစ် မှ	(၂၉) မျိုး	(၃၃) ကြိမ်	၇၉၄ ဦး
၂	၂၀၁၉ −၂၀၂၀(ယခုအထိ)	(၄၈) မျိုး	(၆၄) ကြိမ်	၁၄၅၀ ဦး
၃	တိုးတက်လာမှု	(၁၉) မျိုး	(၃၁) ကြိမ်	၆၅၆ ဦး

 

ထို့အပြင် သင်တန်းဌာနခွဲအလိုက် ယခင်က မဖွင့်လှစ်ပေးနိုင်ခဲ့သည့် သင်တန်းအမျိုး အစားအသစ်များ အနေဖြင့် သင်ကြားလေ့ကျင့်ရေး (သင်တန်းစာပေ) ဌာနခွဲမှ စီမံခန့်ခွဲရေးဆိုင်ရာ သင်တန်း (၃) မျိုး၊ အင်္ဂလိပ်နှင့် တရုတ်ဘာသာစကားပြောဆိုင်ရာ သင်တန်း (၂) မျိုး၊ မော်တော် ယာဉ်သင်တန်းဌာနခွဲမှ Logistic & Supply Chain Management သင်တန်း(၁) မျိုးနှင့် မော်တော်ယာဉ်ဆိုင်ရာသင်တန်း (၂) မျိုး၊ ရထားသင်တန်းဌာနခွဲမှ  မြန်မာ့မီးရထား လုပ်ငန်းခွင် ဆိုင်ရာ ကျွမ်းကျင်မှုသင်တန်း (၄) မျိုး၊ ဆက်သွယ်ရေးသင်တန်းဌာနခွဲမှ မြန်မာ့စာတိုက်လုပ်ငန်း ဆိုင်ရာ သင်တန်း (၅) မျိုး၊   စက်မှုလက်မှုသင်တန်းဌာနခွဲမှ    IP  Networking နှင့် A+ Computer  Hardware  သင်တန်း (၂) မျိုး၊ စုစုပေါင်းသင်တန်းအမျိုးအစား (၁၉) မျိုးတို့ကို တိုးချဲ့ ဖွင့်လှစ် အကောင်အထည်ဖော်ဆောင်ရွက်လျက်ရှိပါသည်။