၂-၃-၂၀၁၉ ရက်နေ့၊ နံနက် (၀၇:၄၅) အချိန်ခန့်တွင် မာန်အောင်ကျွန်း၊ ကမားကျေးရွာ ကမ်းစပ်အနီးတွင် Dead Body တစ်ခုတွေ့ရှိကြောင်း ကမားကျေးရွာ ရဲစခန်းက သတင်းနှင့် ဓာတ်ပုံ မှတ်တမ်းပေးပို့လာသဖြင့် စိစစ်ရာ ပုံပန်းသဏ္ဍာန်နှင့် အဝတ်အစားများအရ “ဆင်ပြောင်” ရေယာဉ်နစ်မြုပ်စဉ် ပျောက်ဆုံးနေသော ဦးကျော်လင်းအေး၊ ပုဂ္ဂလိကအမှတ်(၆၅၆၄၀)၊ သင်္ဘောသား ၏ Dead Body  ဖြစ်ကြောင်း အတည်ပြု ရရှိပါသည်။

အဆိုပါရုပ်အလောင်းကို မြို့နယ်အထွေထွေအုပ်ချုပ်ရေးမှူး၊ နယ်မြေခံရဲတပ်ဖွဲ့၊ မီးသတ် တပ်ဖွဲ့နှင့် နာရေးကူညီမှုအသင်းတို့၏အကူအညီဖြင့် ကမားကျေးရွာမှတစ်ဆင့် မာန်အောင်မြို့နယ် ဆေးရုံသို့ ဆက်လက် ပို့ဆောင်ခဲ့ပါသည်။ ထို့နောက် ရုပ်အလောင်းကို ဗုဒ္ဓဘာသာ ဓလေ့ထုံးစံနှင့် အညီ သင်္ဂြိုလ်ရန်  မြန်မာ့ဆိပ်ကမ်းအာဏာပိုင်၊ ကျောက်ဖြူဆိပ်ကမ်းမှူး၊ မန်နေဂျာ ဦးစိုးလွင်က ဦးစီး၍ ဆောင်ရွက်ခဲ့ရာ ၂-၃-၂၀၁၉ ရက်နေ့၊ ၁၆:၂၅ အချိန်တွင် မာန်အောင်မြို့သုဿာန်၌ ကောင်းမွန်စွာ မီးသင်္ဂြိုလ်ပြီးစီး ခဲ့ပါသည်။

 “ဆင်ပြောင်”ရေယာဉ်နစ်မြုပ်စဉ် ပျောက်ဆုံးလျက်ရှိသော ရေယာဉ်ဝန်ထမ်း(၁၉)ဦး အနက်၊ ၂.၃.၂၀၁၉ ရက်နေ့အထိ ရေယာဉ်ဝန်ထမ်း(၁၃)ဦးတို့၏ ရုပ်အလောင်းများကို ရှာဖွေတွေ့ရှိခဲ့ပြီး ကျန် ပျောက်ဆုံးဝန်ထမ်း​ (၆)ဦးတို့ကို ဆက်လက် ရှာ​ဖွေလျက် ရှိပါကြောင်း သိရှိရပါသည်။

၁၁-၂-၂၀၁၉  ရက်နေ့တွင် မာန်အောင်ကျွန်းမီးပြအနီး နစ်မြုပ်သွားသော

“ဆင်ပြောင်”ရေယာဉ်မှ

ကယ်ဆယ်ရရှိ / အလောင်းရ / ပျောက်ဆုံး ဝန်ထမ်းစာရင်း

(၃-၃-၂၀၁၉ ရက်နေ့ ညနေ ၁၈:၀၀ အချိန်အထိ ရရှိစာရင်း)

ကယ်ဆယ်ရရှိ စာရင်း (၇)ဦး

အလောင်းရရှိ စာရင်း (၁၃)ဦး

ပျောက်ဆုံးဆဲစာရင်း (၆)ဦး