Skip to main content

e-Government ဌာန

မြန်မာနိုင်ငံတွင် e-Government စနစ်ဖွံ့ဖြိုးတိုးတက်လာစေရေးအတွက် အစိုးရအဖွဲ့အစည်းများနှင့် ပြည်ထောင်စုဝန်ကြီး ဌာနများအသီးသီးမှ ပါဝင်ကြိုးပမ်းဆောင်ရွက်ရာတွင် ပို့ဆောင်ရေးနှင့် ဆက်သွယ်ရေးဝန်ကြီးဌာနသည် Focal Ministry အဖြစ် တာဝန်ယူဆောင်ရွက်လျက်ရှိသည်နှင့်အညီ သတင်းအချက်အလက်နည်းပညာနှင့်ဆိုက်ဘာလုံခြုံရေးဦးစီးဌာန၊ e-Government ဌာနသည် နိုင်ငံတော်၏ e-Government စနစ် အောင်မြင်စွာ အကောင်အထည်ဖော်ဆောင်နိုင်ရန်နှင့် ဖွံ့ဖြိုး တိုးတက်လာစေရန် ကြိုးပမ်းဆောင်ရွက်လျက်ရှိပါသည်။

 

မြန်မာနိုင်ငံရှိ အစိုးရအဖွဲ့အစည်းအသီးသီးတို့၏ e-Government လုပ်ငန်းစဉ် အကောင်အထည်ဖော်ဆောင်မှုများအတွက် အဓိကလိုအပ်သော −

(ကICT Infrastructure များ တည်ဆောက်ဝန်ဆောင်မှုပေးခြင်း၊ (Network, Data Centers, IACs, etc.,)

(Common Application များ တည်ဆောက်ဝန်ဆောင်မှုပေးခြင်း၊(e-Mail, EDMS,GPMS)

(နည်းပညာအထောက်အပံ့ပေးခြင်း၊ အကြံပြုခြင်းနှင့် Capacity Building လုပ်ငန်းများ ဆောင်ရွက်ခြင်း

(အပြည်ပြည်ဆိုင်ရာ အဖွဲ့အစည်းများနှင့်ပူးပေါင်း၍ e-Government ဖွံ့ဖြိုးတိုးတက်ရေး လုပ်ငန်းများ ဆောင်ရွက်ခြင်း

() ဝန်ကြီးဌာနများမှ ဆောင်ရွက်လျက်ရှိသော e-Government လုပ်ငန်းစဉ်များအား လေ့လာဆန်းစစ် အကဲဖြတ်ခြင်း လုပ်ငန်းများအား ဆောင်ရွက်လျက်ရှိပါသည်။ 

  e-Government ဌာနမှ လက်ရှိဆောင်ရွက်နေသောစီမံကိန်း/လုပ်ငန်းများ

 

(က) ICT Infrastructure

     e-Government ဖွံ့ဖြိုးတိုးတက်ရေးအတွက် ပို့ဆောင်ရေးနှင့် ဆက်သွယ်ရေးဝန်ကြီးဌာနသည် အောက်ဖော်ပြပါ ICT Infrastructure များကို တည်ဆောက်ဝန်ဆောင်မှု ပေးလျက်ရှိပါသည်−

  (၁) Government Video Conferencing System/Network

  (၂) Data Center

  (၃) Information Access Center (IAC)

  (၄) e-Government Integrated Data Center (e-GIDC) တည်ဆောက်ခြင်းစီမံကိန်း

Government Video Conferencing System/Network

         နေပြည်တော်ရှိ အစိုးရဌာနများနှင့် ပြည်နယ်တိုင်းဒေသကြီးရှိ အစိုးရအဖွဲ့အစည်းများအကြား online အသုံးပြုပြီး အစည်းအဝေးများပြုလုပ်နိုင်ရန်ရည်ရွယ်၍ Video Conferencing System/Network အား တည်ဆောက်ထားရှိပေးခဲ့ပြီး တာဝန်ယူ ပြုပြင်ထိန်းသိမ်းခြင်း၊ သီးသန့် Video Conference Room များ တည်ဆောက်ပေးခြင်း၊ Point to Multi Point Conferencing ပြုလုပ်နိုင်ရန် ချိတ်ဆက်ပေးခြင်း၊ နည်းပညာဆိုင်ရာများ ပံ့ပိုးကူညီဆောင်ရွက်ပေးခြင်းလုပ်ငန်းများအား ဆောင်ရွက်လျက်ရှိပါသည်။

 

       

Data Center

         နေပြည်တော်၊ S12 အိတ်ချိန်း အဆောက်အဦတွင် တည်ရှိသည့် e-Government Data Center တွင် e-Government Common Applications စနစ်များအား ဝန်ဆောင်မှုပေးနိုင်ရန် Server Co-location ဝန်ဆောင်မှုများကို ဆောင်ရွက်ပေးလျက်ရှိပါသည်။ အစိုးရဌာနအသီးသီးမှ အကောင်အထည် ဖော်ဆောင်ရွက်လျက်ရှိသော e-Government လုပ်ငန်းစဉ်များအား ချိတ်ဆက်အသုံးပြုနိုင်ရန်နှင့် အစိုးရဗဟိုရုံးများနှင့် ဝန်ကြီးဌာနအသီးသီးမှ e-mail, Electronic Document Management System (EDMS), Government Personnel Management System (GPMS), Civil Service ID Management System (CSMS), Myanmar National Portal, Video Conferencing အစရှိသည့် Common Application များအား ချိတ်ဆက်အသုံးပြုနိုင်ရန် ရည်ရွယ်ပါသည်။

         Data Center တွင် Fully Redundant Network, Electricity, Security (Firewall, CCTV, NVR, Access Control), Precision Cooling, Fire Fighting, Real-Time Monitoring စသည့် Facility များအား ၂၄ နာရီ ၇ ရက် (24/7) ဝန်ဆောင်မှု ပေးအပ်လျက်ရှိပါသည်။ ဤ Facilities များအား မျှဝေ အသုံးပြုသွားခြင်းအားဖြင့်  အစိုးရဌာနများမှ Data Center များ သီးခြားစီ တည်ဆောက်အသုံးပြုခြင်းအားဖြင့် တွေ့ကြုံလာရမည့် ငွေကြေးနှင့် ကျွမ်းကျင်ဝန်ထမ်းလိုအပ်ချက်၊ စီမံခန့်ခွဲမှုစသည့် အခက်အခဲများအား ကျော်လွားနိုင်မည့်အပြင် တစ်စုတစ်ဝေးတည်း စီမံခန့်ခွဲနိုင်ခြင်း၊ နိုင်ငံတော်၏ဘဏ္ဍာငွေ အသုံးပြုမှုလျော့ချနိုင်ခြင်း၊ လုံခြုံမှုပိုမိုကောင်းမွန်ခြင်းစသည့် အကျိုးကျေးဇူးများရရှိနိုင်မည် ဖြစ်ပါသည်။

 

  

 

(က) Colocation Service

အစိုးရအဖွဲ့အစည်းများ၏ နည်းပညာ၊ လူ့စွမ်းအားအရင်းအမြစ်၊ ဆိုက်ဘာလုံခြုံရေးစသည့် လိုအပ်ချက်များကို ဖြည့်ဆည်းပေးနိုင်ရန်၊ Online ပြည်သူ့ဝန်ဆောင်မှုများအား  စွမ်းဆောင်ရည်မြင့်မားစွာ ဖြန့်ဖြူးပေးသွားနိုင်စေရန် ရည်ရွယ်၍ e-Government Data Center အား သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာန၊ e-Government ဌာန၊ နေပြည်တော်တွင် တည်ဆောက်ခဲ့ပြီး Co-Location ဝန်ဆောင်မှုများ ပေးအပ်လျက်ရှိပါသည်။ အစိုးရဌာနများ၏ Server နှင့် IT equipment များအား ထားရှိနိုင်ရန်အတွက် Colocation services အား သက်သာသော ဝန်ဆောင်ခနှုန်းထားများဖြင့်  ဝန်ဆောင်မှုပေးလျက်ရှိပါသည်။ ရရှိနိုင်သော ဝန်ဆောင်မှုများမှာ Rack Rental (half rack, full rack, share rack) တို့ဖြစ်ပါသည်။

Server Co-Location ဝန်ဆောင်မှုအတွက် လစဉ်ကောက်ခံသည့် နှုန်းထားများမှာ  1 U အတွက် ၁၅,၀၀၀ ကျပ်၊  6 U  အတွက် ၉၀,၀၀၀ ကျပ်၊ 21 U အတွက် ၃၀၀,၀၀၀ ကျပ်နှင့် 42 U အသုံးပြုပါက လစဉ်ကြေး ၅၅၀,၀၀၀ ကျပ် အသီးသီး ကျသင့်မည်ဖြစ်ပါသည်။ ဝန်ဆောင်မှုရယူလိုပါက Online အသုံးပြု၍ အင်တာနက်စာမျက်နှာ www.motc.gov.mm သို့ ဝင်ရောက်လျှောက်ထားနိုင်ပါသည်။

(ခ) Web Hosting Service

အစိုးရဌာနများမှ e-Government လုပ်ငန်းစဉ်များအား အကောင်အထည်ဖော် ဆောင်ရွက်ရာတွင် Hardware အသုံးပြုမှုများအားလျော့ချနိုင်ရန်နှင့် ခေတ်မီနည်းပညာများ (Cloud, VM) အား အသုံးပြုနိုင်ရန်ရည်ရွယ်၍ တည်ဆောက်၍ ဝန်ဆောင်မှုပေးလျက်ရှိပါသည်။

အစိုးရဌာနများသည် ယခုကဲ့သို့ Web Hosting လာရောက်ထားရှိခြင်းအားဖြင့် Website များ လွှင့်တင်ရာ၌သော်လည်းကောင်း ၊ Online Service များ ဝန်ဆောင်မှုပေးရာ၌သော်လည်းကောင်း အသုံးပြုရန်လိုအပ်သည့် Hardware များ (ဥပမာ - Server, Switch, Firewall နှင့် Network Accessories အစရှိသည့် စက်ပစ္စည်းများ) ကို ဝယ်ယူတပ်ဆင်ရန် မလိုအပ်တော့သည့်အတွက် ရန်ပုံငွေသုံးစွဲမှု လျှော့ချနိုင်ခြင်း၊ အချိန်တိုအတွင်း လျင်မြန်စွာ အသုံးပြုနိုင်ခြင်းနှင့် သတင်းအချက်အလက်များကို လုံခြုံစိတ်ချစွာ သိမ်းဆည်းထားရှိနိုင်ခြင်း စသည့် အကျိုးကျေးဇူးများစွာ ရရှိနိုင်မည်ဖြစ်ပါသည်။

e-Government လုပ်ငန်းစဉ်များအား အထောက်အကူပြုပေးနိုင်ရန် ရည်ရွယ်၍ ဆောင်ရွက်ခဲ့ခြင်းဖြစ်ပါသောကြောင့် သက်သာသော ဝန်ဆောင်ခနှုန်းထားများဖြင့် အစိုးရအဖွဲ့အစည်းများသို့ ဝန်ဆောင်မှုပေးသွားမည်ဖြစ်ပါသည်။ Web Hosting စနစ်တွင် ကောက်ခံသွားမည့် ဝန်ဆောင်မှု နှုန်းထားများအား အောက်ပါအတိုင်း ဖော်ပြအပ်ပါသည်။

 

Information Access Center (IAC)

မြန်မာနိုင်ငံတွင် e-Government ဖွံ့ဖြိုးတိုးတက်လာစေရန်အတွက် နိုင်ငံသားများ၏ ICT Awareness များ မြှင့်တင်နိုင်ရန်ရည်ရွယ်၍ ကိုးရီးယားသမ္မတနိုင်ငံ၏ အထောက်အပံ့အဖြစ် နေပြည်တော်တွင် တည်ဆောက်ခဲ့ပါသည်။ အစိုးရဌာနများသို့ ICT နှင့် e-Government သင်တန်းများ ဖွင့်လှစ်ပို့ချပေးခြင်း၊ အစိုးရ ဌာနများမှ သင်တန်းများ ဖွင့်လှစ်နိုင်ရန်ဆောင်ရွက်ပေးခြင်းနှင့် ပြည်သူများ Internet အခမဲ့ အသုံးပြုနိုင်ရန် ဆောင်ရွက်ပေးခြင်း စသည့် ဝန်ဆောင်မှုပေးလျက်ရှိပါသည်။

လက်ရှိအချိန်တွင် ကိုဗစ်-၁၉ ကပ်ရောဂါနှင့် လတ်တလောဖြစ်ပေါ်နေသော အခြေအနေများကြောင့် Information Access Center (IAC) တွင် Internet အခမဲ့ ဝန်ဆောင်မှုပေးခြင်းများ ခေတ္တ ရပ်ဆိုင်းထားပြီး သင်တန်းများ ဖွင့်လှစ်နိုင်ခြင်း မရှိသေးပါ။

 

 

        

 

e-Government Integrated Data Center (e-GIDC) တည်ဆောက်ခြင်းစီမံကိန်း

မြန်မာနိုင်ငံတွင် e-Government လုပ်ငန်းစဉ်များအား အရှိန်အဟုန်မြှင့် ဆောင်ရွက်လာသည်နှင့်အညီ အစိုးရဌာနများ/ဒေသများအလိုက် Data Center ငယ်များ သီးခြားစီ တည်ဆောက်အသုံးပြုကြမည့်အစား အစိုးရဌာနများအားလုံး စုစည်းမျှဝေအသုံးပြုနိုင်ရန် ရည်ရွယ်၍ ပထမဆုံး နိုင်ငံတော်အဆင့် (National Data Center) တစ်ခုဖြစ်သော e-Government Integrated Data Center (eGIDC) တည်ဆောက်ခြင်းစီမံကိန်းအား ကိုရီးယားသမ္မတနိုင်ငံ၊ Economic Development Cooperation Fund (EDCF) ချေးငွေဖြင့် အကောင်အထည်ဖော် ဆောင်ရွက်လျက်ရှိပါသည်။ eGIDC ပင်မအဆောက်အဦအား နေပြည်တော် တွင် တည်ဆောက်မည်ဖြစ်ပြီး Disaster Recovery Center (DRC) အား ရန်ကုန်တိုင်း ဒေသကြီး၊ သန်လျင်မြို့တွင် တည်ဆောက်သွားမည်ဖြစ်ပါသည်။ eGIDC တွင် Rack (၅၀၀) DRC တွင် Rack (၁၀၀) ထားရှိသွားနိုင်မည်ဖြစ်ပါသည်။ စီမံကိန်းပြီးစီးပါက Data Center မှ Co-location Service Cloud Services(Iaas and PaaS) Government Service Network နှင့် Disaster Recovery Service စသည့် ဝန်ဆောင်မှုများအား ဆောင်ရွက်ပေးသွားမည် ဖြစ်ပါသည်။

 

ရည်ရွယ်ချက်

မြန်မာနိုင်ငံတွင် e-Government လုပ်ငန်းစဉ်များအား အရှိန်အဟုန်မြှင့် ဆောင်ရွက်လာ သည်နှင့်အညီ အစိုးရဌာနများ/ဒေသများအလိုက် Data Center ငယ်များ သီးခြားစီ တည်ဆောက်အသုံးပြုကြမည့်အစား အစိုးရဌာနများအားလုံး စုစည်းမျှဝေ အသုံးပြုနိုင်ရန်

 

အကျိုးကျေးဇူး

v  သတင်းအချက်အလက်များအား တစ်စုတစ်စည်းတည်း တစ်ပြိုင်နက် ထိရောက်စွာ  စီမံခန့်ခွဲနိုင်ခြင်း။

v  ၂၄ နာရီ ၇ ရက် ဝန်ဆောင်မှု ပေးနိုင်ခြင်း။

v  လုံခြုံမှု ကောင်းမွန်ခြင်း။

v  အချိန်နှင့်ရင်းနှီးမြှုပ်နှံမှု ကုန်ကျစရိတ် များစွာသက်သာစေခြင်း။

v Cloud Computing Technologies အား အသုံးပြုခြင်းအားဖြင့် Hardware အသုံးပြုမှုများ လျော့ချနိုင်ပြီး ဘဏ္ဍာငွေအသုံးပြုမှု လျော့ချနိုင်ခြင်း။

v အစိုးရ၏ ကိုယ်ပိုင် Government Cloud  အား တည်ဆောက်သွားခြင်းအားဖြင့် နိုင်ငံ၏ အရေးကြီး သတင်းအချက်အလက်များအား ပြည်တွင်း၌သာ ထားရှိနိုင်ပါသဖြင့် လုံခြုံမှုကျိုးပေါက်ခြင်းမှ ကာကွယ်ပေးနိုင်ခြင်း။

v  ပြည်ပနိုင်ငံများသို့ ပေးချေနေရသော ကုန်ကျစရိတ်များအား လျော့ချသွားနိုင်ခြင်း။

 

  eGIDC

() Common Application

 အစိုးရအဖွဲ့အစည်းများအကြား သဘောသဘာဝတူညီသည့် လုပ်ငန်းများအား စုစည်းပေါင်းစပ်၍ မျှဝေအသုံးပြုနိုင်ရန် အောက်ပါ Common Application များကို ဆောင်ရွက်ဝန်ဆောင်မှု ပေးလျက်ရှိပါသည်

(၁) Government Personnel Management System (GPMS)   

(၂) Electronic Document Management System (EDMS)

(၃) e-mail

(၄) Ministry Website

(၅) Myanmar National Portal တည်ဆောက်ခြင်းစီမံကိန်း

Electronic Document Management System (EDMS)

EDMS စနစ်သည် အစိုးရဌာနဆိုင်ရာ အဖွဲ့အစည်းများအချင်းချင်း စာပေးစာယူလုပ်ငန်းများ (e-Mail) နှင့် ၀န်ကြီးဌာနအတွင်း ဌာနဆိုင်ရာရုံးလုပ်ငန်းများ (Workflow) အား Online အသုံးပြု၍ ဆောင်ရွက်သွားနိုင်ရန် တည်ဆောက်ထားရှိသည့် စနစ်တစ်ခုဖြစ်ပါသည်။ Document management (create, register, send/receive, comment/instruction, read/edit, and enclose) အပါအဝင် ရုံးလုပ်ငန်းများကို ထိရောက်စွာနှင့် လွယ်ကူလျင်မြန်စွာ စီမံခန့်ခွဲနိုင်ရန် ရည်ရွယ်၍ ဆောင်ရွက်လျက် ရှိပါသည်။  

EDMS အကျိုးသက်ရောက်မှုများ

v  ၀န်ကြီးဌာနများအချင်းချင်း e-Mail များ ပေးပို့/ရယူနိုင်ပြီး Encryption အသုံးပြု ထားပါသဖြင့် ကြားဖြတ်ရယူခြင်း၊ ပြင်ဆင်ခြင်း၊ ဖတ်ရှု့ခြင်း၊ ဖျက်ဆီးခြင်း များ ပြုလုပ်၍ မရအောင် ဆောင်ရွက်ထားရှိခြင်း

v  ဌာနဆိုင်ရာရုံးလုပ်ငန်းများဆောင်ရွက်ရာတွင် စာရွက်စာတမ်းများအား Electronic Document များအဖြစ်သို့ အသွင်ပြောင်းလဲ၍ မှတ်ပုံတင်ခြင်း၊ ရုံးတွင်းစာများ ပြုစုတင်ပြခြင်း၊ မှတ်ချက်ပြုခြင်း အစရှိသည့် Work Flow များအား Online အသုံးပြု၍ လုပ်ဆောင်သွားနိုင်သောကြောင့် ထိရောက်၊ လွယ်ကူလျင်မြန်စွာ စီမံခန့်ခွဲနိုင်ခြင်း

v  အင်တာနက်ရရှိသော မည်သည့်နေရာမှမဆို Mobile Phone များနှင့် Android များကို အသုံးပြု၍ လက်ရေးမူဖြင့် လက်မှတ်ရေးထိုးခြင်း မှတ်ချက်ပြုခြင်းများ လုပ်ဆောင်နိုင်ရန် စီစဉ်ထားရှိပါသဖြင့် ရုံးလုပ်ငန်းများအား အချိန်နှင့် နေရာဒေသမရွေး  အစိုးရ၏ လုပ်ငန်းစဉ်များအား လွယ်ကူလျင်မြန်စွာ ဆောင်ရွက်သွားနိုင်ခြင်း

 

Government Personnel Management System (GPMS)    

အစိုးရဌာနဆိုင်ရာ အဖွဲ့အစည်းများ၏ ဝန်ထမ်းရေးရာ ကိစ္စရပ်များအား ဗဟိုရုံးများနှင့် ICT နည်းပညာ အသုံးပြု၍ ထိရောက်လျင်မြန်စွာ စီမံခန့်ခွဲနိုင်ရန် ရည်ရွယ်၍ ဆောင်ရွက်လျက်ရှိပါသည်။ Government Personal Management System (GPMS) စနစ်သည် အစိုးရဌာနဆိုင်ရာ အဖွဲ့အစည်းများ၏ ဝန်ထမ်း ရေးရာကိစ္စရပ်များအား IT နည်းပညာအသုံးပြု၍ ထိရောက်လျင်မြန်စွာ စီမံခန့်ခွဲနိုင်သော စနစ်တစ်ခု ဖြစ်ပါသည်။ ဤစနစ်တွင် ဝန်ထမ်းများ၏ ကိုယ်ရေးမှတ်တမ်း၊ ရာထူးခန့် အပ်မှုနှင့် တာဝန် ထမ်းဆောင်မှုသမိုင်း၊ ခွင့်မှတ်တမ်း၊ သင်တန်းဆိုင်ရာအချက်အလက်၊ ဝန်ထမ်းအကဲ ဖြတ်မှတ်တမ်းများ၊ ဝန်ထမ်းအင်အားနှင့် ဌာနဖွဲ့စည်းပုံများ အစရှိသည့် အချက်အလက်များကို သက်ဆိုင် ရာ Server များ အသီးသီးတွင် လုံခြုံစွာ ထည့်သွင်းသိမ်းဆည်းထားရှိပြီး မိမိလိုအပ်သည့် အခြေအနေနှင့် ကိုက်ညီမည့် အချက်အလက်၊ စာရင်းဇယား၊ အစီအရင်ခံစာများအား လွယ်ကူလျင်မြန် မှန်ကန် တိကျစွာ ရှာဖွေ ထုတ်ယူနိုင်သော စနစ်တစ်ခု ဖြစ်ပါသည်။

   

ဝန်ထမ်းရေးရာစီမံခန့်ခွဲမှုစနစ် (GPMS) ၏ အကျိုးသက်ရောက်မှုများ

v  ဝန်ထမ်းရေးရာ စီမံခန့်ခွဲမှုများကို တိကျလျင်မြန်အကျိုးရှိစွာ အသုံးချနိုင်ခြင်း

v  ကိုယ်ရေးမှတ်တမ်းအချက်အလက်များကို ကိုယ်တိုင် စီမံခန့်ခွဲနိုင်ခြင်း

v  လိုအပ်ချက်နှင့်အညီ သင့်လျော်သော ဝန်ထမ်းများအား တာဝန်ပေးအပ်နိုင်ခြင်း

v  ဝန်ထမ်းရေးရာစီမံခန့်ခွဲမှုများ ဆုံးဖြတ်ချက်ချရာတွင် အထောက်အပံ့ပေးနိုင်ခြင်း

v  ဝန်ထမ်းရေးရာ အချက်အလက်များ သိမ်းဆည်းရာတွင် လုံခြုံမှုရှိခြင်း၊

e-mail

အစိုးရဗဟိုရုံးများနှင့် ဝန်ကြီးဌာနများအားလုံးမှ အသုံးပြုနိုင်ရန် ဝန်ဆောင်မှုပေးလျက်ရှိသော e-mail စနစ်အား encryption ပြုလုပ်၍ အစိုးရအဖွဲ့အစည်းများမှ လုံခြုံကောင်းမွန်စွာ အသုံးပြုနိုင်ရန် တာဝန်ယူ ဝန်ဆောင်မှုပေးလျက်ရှိပါသည်။

Ministry Website

    ပို့ဆောင်ရေးနှင့်ဆက်သွယ်ရေးဝန်ကြီးဌာန လက်အောက်ရှိ ဦးစီးဌာန/လုပ်ငန်းအသီးသီးတို့မှ လွှင့်တင်ထားသည့် Website များအား စုစည်းပေါင်းစပ်၍ Ministry Web Portal တစ်ခုအဖြစ် တည်ဆောက်ခဲ့ခြင်းဖြစ်ပါသည်။ Ministry Web Portal (www.motc.gov.mm) တွင် ဌာနများအလိုက် သတင်းများ ရေးသားလွှင့်တင် နိုင်ရေးအတွက် သီးခြားအကောင့်များသတ်မှတ်ပေးထားပြီး မိမိတို့ဌာန၏ သတင်းအချက်အလက်များကို အချိန်နှင့်တစ်ပြေးညီ ကိုယ်တိုင်လွှင့်တင်သွားနိုင်ရေးအတွက် လိုအပ်သော နည်းပညာပိုင်းဆိုင်ရာ အထောက်အကူပြုလုပ်ငန်းများဆောင်ရွက်ပေးလျက်ရှိပါသည်။

၂၀၂၁ ခုနှစ်အတွင်း ဦးစီးဌာန/လုပ်ငန်းများ၏ ဝန်ဆောင်မှုများ စုစည်းဖော်ပြပေးသည့် e-Service Page ရေးဆွဲခြင်း၊ အကြံပြုလိုသည်များကို ပေးပို့နိုင်သော Feedback ကဏ္ဍထည့်သွင်း ရေးဆွဲခြင်းများ ဆောင်ရွက်ခဲ့ပါသည်။ System Monitoring, Customization, Upgrading, API Integration, Operation & Maintenance နှင့် Customer Care လုပ်ငန်းများကို ဆောင်ရွက်လျက်ရှိပါသည်။

Ministry Web Portal တွင် ဦးစီးဌာန (၁၉) ခုတို့မှ သတင်းအချက်အလက်များအား အချိန်နှင့်တစ်ပြေးညီ လွှင့်တင်ပေးလျက်ရှိပြီး လက်ရှိအချိန်အထိ Ministry Web Portal အား ဝင်ရောက် ကြည့်ရှုသူအရေအတွက် (၁၂) သိန်းကျော် ရှိပါသည်။

 

   

 

                  

 Myanmar National Portal တည်ဆောက်ခြင်းစီမံကိန်း

မြန်မာနိုင်ငံရှိ အစိုးရအဖွဲ့အစည်းများအသီးသီးမှ လွှင့်တင်ထားသော Website များ၊ e-service များအား တစ်နေရာတည်းတွင် စုစည်း၍ ပြည်သူလူထုသို့ လွယ်ကူလျင်မြန်သော၊ ကောင်းမွန်ထိရောက်သော Single Window Public Services ဝန်ဆောင်မှုများပေးနိုင်ရန် ရည်ရွယ်၍ Myanmar National Portal တည်ဆောက်ခြင်း စီမံကိန်းအား ဆောင်ရွက် ပြီးစီးခဲ့ပြီး  အစိုးရဌာနအသီးသီးမှ သတင်းအချက်အလက်များနှင့် ဝန်ဆောင်မှုများကို ကိုယ်တိုင် ကျွမ်းကျင်စွာ လွှင့်တင်သွားနိုင်ရန် ရည်ရွယ်၍ ၂၀၁၈ ခုနှစ် သြဂုတ်လအတွင်း Myanmar National Portal User Training သင်တန်းအား အစိုးရဌာန အဖွဲ့အစည်းအသီးသီးသို့ ဖွင့်လှစ်ပို့ချပေးခဲ့ပြီး (၂၇..၂၀၁၈) တွင် Myanmar National Portal အား Domain Name (www.myanmar.gov.mm) ဖြင့် လွှင့်တင်ခဲ့ပြီးဖြစ်ပါသည်။

၂၀၂၀ ပြည့်နှစ်အတွင်း Myanmar National Portal Mobile Application Android Version 2.0 အား Play Store နှင့် Huawei App Gallery ပေါ်တွင် လွှင့်တင်ခဲ့ပြီး iOS Version အား Apple Store ပေါ်တွင် လွှင့်တင်ခဲ့ပါသည်။ ၂၀၂၁ ခုနှစ်အတွင်း Myanmar National Portal UI Design အဆင့်မြှင့်တင်ခြင်း၊ အစိုးရအဖွဲ့အစည်းအသီးသီးမှ ပေးနေသော ဝန်ဆောင်မှုများအား စုစည်းဖေါ်ပြပေးသည့် e-Services Web Page ရေးဆွဲခြင်းနှင့် အစိုးရအဖွဲ့အစည်း အသီးသီး၏ Mobile  App များအား စုစည်းဖော်ပြပေးသော Mobile App Gallery Web Page ရေးဆွဲခြင်းများ ဆောင်ရွက်ခဲ့ပါသည်။

Myanmar National Portal တွင် အစိုးရအဖွဲ့အစည်းများမှ သတင်းအချက်အလက်များအား အချိန်နှင့်တစ်ပြေးညီ လွှင့်တင်ပေးလျက်ရှိပြီး လက်ရှိအချိန်အထိ Myanmar National Portal အား ပြည်သူများမှ ဝင်ရောက် ကြည့်ရှုသည့် အကြိမ်အရေအတွက် (၁၁) သန်းကျော် ရှိပါသည်။

 

 

 

                                  

 

အကျိုးကျေးဇူး

အရည်အသွေးမြင့်မားသော e-Government Online ဝန်ဆောင်မှုများအား အစိုးရရုံးဌာနများ၊ စီးပွားရေး အဖွဲ့အစည်းများနှင့် ပြည်သူများမှ ရိုးရှင်းလွယ်ကူစွာဖြင့် အချိန်၊ နေရာဒေသမရွေး အသုံးပြုလာနိုင် မည်ဖြစ်ပြီး အစိုးရ၏ သတင်းအချက်အလက်များ လျင်မြန်စွာစီးဆင်းနိုင်ခြင်း၊ အစိုးရ၏ ဝန်ဆောင်မှုများ အား ပြည်သူလူထုမှ အချိန်နှင့် ငွေကြေးကုန်ကျစရိတ်များ သက်သာစွာ အသုံးပြုနိုင်ခြင်း စသည့် အကျိုးကျေးဇူးများစွာ ရရှိနိုင်မည် ဖြစ်ပါသည်။

(ဂ) e-Governance Master Plan ရေးဆွဲခြင်း

 e-Government စနစ်အား ရည်မှန်းချက်ပန်းတိုင်သို့ရောက်ရှိရန် ကောင်းမွန် ပြည့်စုံ သော မဟာဗျူဟာနှင့် မူဝါဒများ၊ လုပ်ငန်းစဉ်မူဘောင်များနှင့် ဆောင်ရွက်မှုအစီအစဉ်များ စနစ်တကျ ရေးဆွဲချမှတ်ပြီး အကောင်အထည် ဖော်နိုင်ရန်အတွက် ဆောင်ရွက်လျက်ရှိပါသည်။ 2nd Master Plan အား ဆက်လက်ရေးဆွဲနိုင်ရေးအတွက် ဆောက်ရွက်လျက်ရှိပါသည်။

 

 


(ဃ) e-Commerce လုပ်ငန်းများ ဆောင်ရွက်ခြင်း

 e-Commerce Law (မူကြမ်း) ရေးဆွဲခြင်းလုပ်ငန်းအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် ပူးပေါင်းဆောင်ရွက်လျက်ရှိပါသည်။ အာဆီယံ နှင့် FTA  နိုင်ငံများအကြား ပူးပေါင်း ဆောင်ရွက်လျက်ရှိသော Regional Comprehensive Economic Partnership  (RCEP) အစီအစဉ်၏ Working Group of e-Commerce (WGEC) ၌ မြန်မာနိုင်ငံ၏ Negotiator အဖြစ်လည်းကောင်း၊ ASEAN Economic Community (AEC) Blueprint 2025 ကို အကောင်အထည်ဖော်ဆောင်ရန် ဖွဲ့စည်းထားသည့် ASEAN Coordination Committee on e-Commerce (ACCEC) တွင် မြန်မာနိုင်ငံ၏ Lead Focal အဖြစ်လည်းကောင်း တာဝန်ယူ၍ လုပ်ငန်းများအား ဆောင်ရွက်လျက်ရှိပါသည်။ အာဆီယံနှင့် Australia-New Zealand နိုင်ငံများအကြား ပူးပေါင်း ဆောင်ရွက်လျက်ရှိသော ASEAN-Australia-New Zealand Free Trade Area (AANZFTA) ၏ Committees on E-Commerce (CEC) တွင် Focal Point အဖြစ် တာဝန်ယူ၍ လုပ်ငန်းများ ဆောင်ရွက်လျက်ရှိပါသည်။


(င) 4th IR for ASEAN လုပ်ငန်းများဆောင်ရွက်ခြင်း

Consolidated Strategy on the Fourth Industrial Revolution (4IR) for ASEAN မူဝါဒအား မြန်မာနိုင်ငံ၏ Focal ဌာနအနေဖြင့် အာဆီယံနိုင်ငံများနှင့် ပူးပေါင်း၍ ရေးဆွဲလျက်ရှိပါသည်။

v အားလုံးပါဝင်သည့် သာတူညီမျှ စီးပွားရေးဖွံ့ဖြိုးတိုးတက်မှုကို အားပေးမြှင့်တင်ရန်၊ စီးပွားရေး ဖွံ့ဖြိုးတိုးတက်မှုနှင့် ချိတ်ဆက်မှုများကို အရှိန်မြှင့်တင်ရန်၊ ပွင့်လင်းမြင်သာမှုနှင့် လုံခြုံမှုတို့ကို ထိန်းသိမ်း စောင့်ရှောက်ရန်၊ အခွင့်အလမ်းများကိုများနိုင်သမျှ များများ ဖန်တီးနိုင်ရန်အတွက် အသိုက်အဝန်းတစ်ခု အနေဖြင့် 4IR ကို ဦးတည် ဆောင်ရွက်မည့် အာဆီယံ၏ မဟာဗျူဟာတစ်ခု ဖြစ်ပါသည်။

v   First Consultative Workshop ကို ၂၀၂၀ ပြည့်နှစ်၊ နိုဝင်ဘာလ (၂၅) ရက်နေ့တွင် လည်းကောင်း၊ Second Consultative Workshop ကို ၂၀၂၁ ခုနှစ်၊ ဧပြီလ (၂၇) ရက်နေ့တွင် လည်းကောင်း Video Conferencing စနစ်ဖြင့် (၂) ကြိမ်တိုင်တိုင် ကျင်းပ ပြုလုပ်ခဲ့ပြီး ယခုအခါ “First draft of Consolidated Strategy on the Forth Industrial Revolution (4IR) for ASEAN” အပေါ် အဖွဲ့ဝင်နိုင်ငံများမှ သဘောထားမှတ်ချက်များကို ပေးပို့ပြန်ကြားလျက်ရှိပါသည်။